SUMARNÁMSKEIÐ FRAM 2012
Knattspyrnuskóli FRAM og Íþróttaskóli FRAM eru starfræktir á íþróttasvæði FRAM v/Safamýri. Þar býður félagið upp á öruggt umhverfi og góða aðstöðu í hjarta borgarinnar. Námskeiðin fara fram á æfingasvæði FRAM en ef veður er vont þá verða æfingar færðar inn í íþróttahús félagsins. Handboltanámskeiðið er haldið í Íþróttahúsi FRAM og næsta nágrenni ef veður er gott.
ÍÞRÓTTASKÓLI FRAM
Íþróttaskóli FRAM er fyrir krakka á aldrinum 5-10 ára sem hafa gaman af íþróttum og útivist. Farið verður í fjölbreytta og skemmtilega leiki, hinar ýmsu íþróttagreinar kynntar og einnig verður farið í stuttar ferðir. Skólinn verður rekinn samhliða knattspyrnuskólanum þannig að einstaklingar geta valið hvort þeir eru eingöngu í knattspyrnu eða vilja hafa mikla fjölbreytni. Hvert námskeið stendur í 2 vikur frá kl. 09:00-16:00 alla virka daga. Jafnframt er boðið upp á hálfsdagsnámskeið frá kl. 09:00-12:00 og kl.13:00-16:00. Hægt er að velja fyrir eða eftir hádegi, einnig knattspyrnuskóla fyrir hádegi og íþróttaskóla eftir hádegi. Ekki verður boðið upp á heitan mat og þurfa börnin að koma með nesti.
Boðið verður upp á gæslu frá kl. 07:45-09:00 og kl. 16:00-16:30.
Námskeið 1. 11 - 22. júní 09:00-16:00
Námskeið 2. 25 - 06. júlí 09:00-16:00
Námskeið 3. 09 - 20. júlí 09:00-16:00
Námskeið 4. 23 - 27. júlí 09:00-16:00 (viku námskeið).
HANDBOLTASKÓLI FRAM
Handboltaskóli FRAM er fyrir krakka á aldrinum 6-14 ára. Hópnum er skipt upp eftir aldri og þannig reynt að koma til móts við þarfir hvers hóps fyrir sig. Námskeiðið stendur í 1 viku, frá kl. 09:00-12:00 virka daga vikunnar. Kennarar eru íþróttamenntaðir og handboltaþjálfarar hjá FRAM.
Námskeið 13 - 17. ágúst 09:00-12:00
KNATTSPYRNUSKÓLI FRAM
Knattspyrnuskóli FRAM er fyrir stráka og stelpur á aldrinum 5-12. Hópnum er skipt upp eftir aldri og þannig reynt að koma til móts við þarfir hvers hóps fyrir sig. Mikil áhersla er lögð á leikformið hjá yngstu þátttakendunum en meiri sérhæfing og tækni hjá þeim eldri. Hvert námskeið stendur í 2 vikur, frá kl. 09:00-12:00 alla virka daga vikunnar. Boðið er upp á gæslu frá kl.07:45 og er það innifalið í gjaldinu.
Námskeið 1. 11 - 22. júní 09:00-16:00
Námskeið 2. 25 - 06. júlí 09:00-16:00
Námskeið 3. 09 - 20. júlí 09:00-16:00
Námskeið 4. 23 - 27. júlí 09:00-16:00 (viku námskeið).
Skráning
Skráning hefst 02. maí og fer fram á heimasíðu FRAM
www.fram.is Skráning og greiðsla fer fram í gegnum Nóra skráningarkerfi FRAM.
Námskeiðsgjald í knattspyrnuskóla og íþróttaskóla ½ dagur er kr. 8000.-
Íþróttaskóli 09:00-16:00 kr. 16.000.-
Námskeiðsgjald í handboltaskóla er kr. 4500.- (5 dagar).
Veittur er 10% systkinaafsláttur og einnig er veittur 10% afsláttur ef keypt eru fleiri en eitt námskeið. Innifalið í verði er: Gæsla, bolur, veisla í lok hvers námskeiðs og skemmtilegt námskeið unnið af fagfólki.
Allar nánari upplýsingar um námskeið á vegum FRAM er hægt að fá í síma 533-5600 milli kl 09:00 og 16:00 í Íþróttahúsi FRAM og í gegnum tölvupóst
toti@fram.is.
Í von um gott samstarf í sumar
Þór Björnsson íþróttastjóri FRAM