7. fl. ka í Grafarholti hefur verið að standa sig vel í sumar. Í ágúst tóku drengirnir þátt í Króksmótinu á Sauðárkróki FRAM sendi tvö lið til keppni og það var ekki að sökum að spyrja, A liðið var hársbreydd frá því að komast í úrslit og ef ég man rétt munaði þar einu marki og B-liðið gerði sér lítið fyrir og sigraði mótið. Þjálfarinn Vilberg Sverrisson var ánægður með mótið og sagði að strákarnir hefðu staðið sig gríðarlega vel á mótinu og að hann sæi miklar framfarir hjá drengjunum.
Á mánudaginn var svo lokahátið hjá flokknum í keiluhöllinni og þar hljóp heldur betur á snærið hjá drengjunum. Landsliðið í fótbolta mætti í keiluhöllina og þar gátu drengirnir látið mynda sig með landsliðsmönnum Íslands auk þess sem það er ekki á hverjum degi sem strákar í 7. fl. frá heilt landslið í heimsókn. Það var því glatt á hjalla í loka partýi 7. fl. þegar landsliðið stillti sér upp með hópnum.