Fyrri leikurinn í EHF
áskorendakeppninni sem FRAM telpur taka þátt í var í dag og mótherjarnir
komnir alla leið frá Króatíu. Gestirnir höfðu kíkt í bæinn í morgun og í mollið
,og virtust afar afslappaðar fyrir leikinn.
Það kom svo á daginn að sú afslöppun var þeim ekki í hag, því
Framstelpur voru grimmar og héldu góðum hraða og sem fyrr var vörnin að virka
og þá virkar allt annað, Íris Björk varði vel og við fengum hraðaupphlaup og
þetta gekk bara vel, hefðum þess vegna getað verið 8-9 mörkum yfir í hálfleik,
en vorum þó 5 mörkum yfir, 12-17. Ég skrifa þetta svona því þessi leikur var
heimaleikur Tresnjevka og þær því á undan í töluröðinni.
Í seinni hálfleik minkaði
munurinn í 2 mörk, þar munaði aðallega um nokkur mistök okkar og smá klúður með
færin, en svo náðu stelpurnar að þétta vörnina svo nærri lá að allar sóknir
Tresnjevku enduðu með hendi á lofti og þær þurftu að slútta af löngu færi og úr
lélegum færum, akkúrat það sem við vildum.
Því var það að við drifum okkur frá
þeim aftur og hélst örugg forysta alla leið í endamark, og í síðustu sókn
Tresnjevku náði Karen að komast inní sendingu, geystist fram og skoraði 2
sekúndum fyrir leikslok og færði okkur 5 marka sigur, 26-31. Þetta síðasta mark
gæti skipt miklu máli, því víst er að þær Króatísku ætla ekki að maula sælgæti
og snakk á hótelherbergjum sínum í kvöld, þær munu fara yfir leikinn og
þjálfarar munu gera allt til að stoppa okkur á morgun.
Við þyrftum líka að ná
tangarhaldi á tíunni hjá þeim, hún skoraði 12 mörk, 6 af velli og 6 úr vítum,
en Íris varði eitt víti frá henni. Það
munu því verða strangir videófundir í kvöld og á morgun hjá báðum liðum.
Allra gleðilegast var að
sjá Hildi Þorgeirs koma svellköld og skora sex mörk, það munar sem fyrr
gríðarlega að hafa ógnun frá skyttunum beggja vegna, línustelpurnar okkar voru
í strangri gæslu en Pæja náði þó að skora 4 mörk og fiska bæði víti og brottvísanir.
Stella skoraði 5 mörk, afar áræðin og dugleg sem fyrr, Karen með 9 mörk og
mikla vinnslu, hraða og sprengikraft.
Marthe skoraði 4, lagleg, og sum hver úr afar þröngum færum, Hafdís Inga setti 2 og Guðrún Þóra eitt, fengum 5 víti og skoruðum 4 mörk.
Þetta var góður sigur og
enn betra var að sjá fjölmarga áhorfendur mæta, ég sá þjálfara annara liða í
deildinni, leikmenn og ýmsa fyrirmenn, eftirlitsdómara, æðstu menn HSÍ og fleiri,
og það var einkar ánægjulegt, við þökkum ykkur kærlega fyrir stuðninginn , það
er okkur mikils virði.
Nú er í raun bara
hálfleikur, seinni leikurinn á morgun og mann langar svooo að sjá annan sigur
þá og sæti í 8 liða úrslitum, hver veit hvaða stórliði við gætum dregist
gegn.. en nú er ég farinn framúr sjálfum
mér og bakka til baka, á morgun er stóri dagurinn, verður hann ekki stóri
dagurinn OKKAR ??
Áfram FRAM stelpur !!!
koma svo ! ( Dagur Sigurðsson)
Kv, bbb
www.123.is/frammyndir