Júlíus Jónasson landsliðsþjálfari kvenna hefur valið þá sextán leikmenn sem taka þátt í leikjum landsliðsins í undankeppni EM nú í páskavikunni. Leikið verður tvisvar við Breta. Fyrri leikurinn er þann 31. mars í London og sá seinni verður þann 3. apríl í Laugardalshöllinni.
Ísland er í undankeppni EM í riðli með Austurríki, Frakklandi og Bretlandi og komast tvö efstu liðin áfram úr riðlinum.
FRAM á fjóra leikmenn í landsliðshópnum og eru það þær Íris Björk Símonardóttir, Ásta Birna Gunnarsdóttir, Karen Knútsdóttir og Stella Sigurðardóttir.
Hópurinn er annars þannig skipaður:
Berglind Íris Hansdóttir, Valur
Íris Björk Símonardóttir, Fram
Anna Úrsúla Guðmundsdóttir, Valur
Arna Erlingsdóttir, KA/Þór
Arna Sif Pálsdóttir, Horsens HK
Ásta Birna Gunnardóttir, Fram
Elísabet Gunnardóttir, Stjarnan
Hanna G. Stefánsdóttir, Haukar
Harpa Sif Eyjólfsdóttir, Stjarnan
Hrafnhildur Skúladóttir, Valur
Karen Knútsdóttir, Fram
Rakel Dögg Bragadóttir, Kolding
Rebekka Rut Skúladóttir, Valur
Rut Jónsdóttir,Team Tvis Holstebro
Stella Sigurðardóttir, Fram
Sunna Jónsdóttir, Fylkir