Það var fríður hópur karla, kvenna og barna úr almenningsdeild FRAM sem gekk á Esjuna í gær. Hópurinn var klæddur upp í FRAM boli svo ekki færi á milli mála hverjir væru á ferðinni en sökum rigningar þá reyndist erfitt að láta bláu peysurnar njóta sín. Hópnum gekk vel á fjallið enda flestir í góðu formi eftir æfingar vetrarins, allilr skiluðu sér upp "að steini" og margir fóru alla leið á toppinn. Almennigsdeild FRAM stendur saman af hressu fólki á öllum aldri og gaman að sjá hvað þessi deild er drífandi og tilbúinn að brydda upp á skemmtilegum uppákomum eins og þessari. Ef til vill verður gengið á fleiri fjöll í sumar en það verður þá kynnt síðar.
Hressir göngugarpar úr almenningsíþróttadeild FRAM.
Margt býr í þokunni. Hilmar og Jóhanna sæl á svip.
Hilmar og Jónas alsælir með árangurinn.