19 - Hörður Björgvin Magnússon
Fæðingardagur: 1993-02-11
Hörður Björgvin Magnússon er fæddur árið 1993. Hann er yngri bróðir Hlyns Atla, sem leikur með meistaraflokki Fram.
Hann lék sinn fyrsta deildarleik fyrir Fram þegar hann kom inn á sem varamaður í leik gegn KR 30. ágúst 2009. Hörður lék sína fyrstu meistaraflokksleiki í Reykjavíkurmótinu og Deildarbikarnum vorið 2009.
Hann lék 4 leiki með U17 ára landsliði Íslands og 3 leiki með U18 ára sumarið 2009. Hann var fyrirliði U17 ára liðsins á Norðurlandamótinu í júlí 2009. Sumarið 2010 lék hann tvo U19 leiki til viðbótar og var í hópnum gegn N-Írum um haustið. Hörður Björgvin fór til Everton og Fiorentina á reynslu haustið 2009.
Hörður Björgvin lék 3 leiki með Fram í Efstu Deild 2010, auk þess að spila með 2. flokki. Hann lék líka 2 U19 ára landsleiki og gerði mark gegn Norður-Írum í 2-5 tapi þann 20. september. Hann var svo valinn í hópinn fyrir undankeppni EM í oktober og bætti þar við sig þremur U19 landsleikjum.
Hörður Björgvin fór til reynslu hjá Juventus í nóvember 2010 og í kjölfarið var ákveðið að ítalska stórliðið fengi hann að láni janúar-júní 2011. Juventus ákvað svo í desember að kaupa Hörð af Fram, eftir að hann hafði unnið sig í varalið félagsins og staðið sig vel.
Hörður Björgvin á að baki sjö U17 landsleiki og 16 U19 ára landsleiki (2 mörk) (miðað við 30. des 2011). Hann var fyrirliðii U19 ára liðsins haustið 2011.
Fyrsti mfl. leikur: Gegn ÍR í Rvk móti 6.2.2009. (2-1)
Mfl. leikir með Fram (1. okt 2010): 13
Leikir/mörk með Fram í Deild og Bikar: 6/0