|
|
Staða: Nýliði
Hópar: Member
Skráði sig: 31.12.08
Bréf: 16
Staður: Reykjavík
|
|
|
Staða: Áhugamaður
Hópar: Member
Skráði sig: 17.12.08
Bréf: 127
Staður: Reykjavík
|
3 stig er alltaf góð byrjun, en ekki virðist þetta hafa verið samfærandi hjá liðinu ef marka má þessa frétt hjá fotbolta.net.
markið kom á 90mín og bæði lið fengu færi Jón Guðni næstur því að skora eftir stangarskot. en önnur lið hafa verið að tapa stigum gegn minni anstæðingum. fór eitthver á leikinn og gæti komið með eitthvað um hann?
|
|
Staða: Nýliði
Hópar: Member
Skráði sig: 23.06.09
Bréf: 22
|
Þetta var dæmigerður fyrsti leikur nýs keppnistímabils, þjálfarar þreifa fyrir sér með liðsuppstillingu og leikkerfi og leikmenn í misjöfnu formi. Hjá Fram var Ögmundur í marki í stað Hannesar sem er lítillega meiddur. Bakverðir Daði og Sam og miðverðir Jón Guðni og Kristján. Á miðjunni Halldór, Hlynur og Jón Gunnar og frammi þeir Hjálmar, Almarr og Tómas í 4-3-3/4-5-1 leikkerfi. Fljótlega í seinni hálfleik komu inn þeir Hörður og Guðmundur M. fyrir Hlyn og Tómas og síðasta korterið spiluðu þeir Jón Orri og Alexander fyrir Hjálmar og Almarr.
Í fyrri hálfleik var eina teljandi færið þrumuskot Jóns Guðna af um 30 metra færi í stöng. Í seinni hálfleik voru okkar menn meira í færum en klúðruðu nokkum upplögðum slíkum. Allt stefndi í markalaust jafntefli þegar á lokamínútunni gott spil þeirra Daða og Alexanders lagði upplagt færi fyrir Halldór sem hann afgreiddi laglega í markið.
Lið Fjölnis kom nokkuð á óvart og var alls ekki auðunnið í þessum baráttuleik. Nýju mennirnir hjá okkur verða ekki dæmdir eftir þennan fyrsta leik.
|
|
Staða: Nýliði
Hópar: Member
Skráði sig: 07.02.09
Bréf: 25
Staður: Reykjavík
|
Ég fór einnig á leikinn. Ekki verður annað sagt en að leikurinn hafi borið þess merki að um fyrsta alvöru leik var að ræða. Stuttar sendingar oftar en ekki misheppnaðar - en það átti við um bæði lið. Hins vegar áttum við langa og góða kafla í leiknum sem er góðs viti. Strákarnir virkuðu flestir í ágætu líkamlegu formi, sérstaklega Kristján, Halldór og Jón Guðni sem voru að mínu mati bestu leikmenn liðsins í gær.
Leikurinn þróaðist þannig að við héldum boltanum löngum stundum og í þau skipti sem Fjölnir ógnaði marki okkar komu tækifæri eftir langar spyrnur Hrafns í markinu á fljóta framherja og kantmenn Fjölnis sem spiluðu sama kerfi og við 4-3-3/4-5-1. Í seinni hálfleik fengum við þó nokkur færi til að skora úr en Alexander, Guðmundi og Hlyni (að mig minnir) brást bogalistin þegar þeir reyndu allir að lyfta boltanum yfir Hrafn í markinu
Markið gott hjá Halldóri sem skömmu áður hafði sett knöttinn í utanverða stöng Fjölnismanna af örlítið lengra færi. Ekki verður annað sagt en að lykilmenn og nýir menn eigi vonandi mikið inni. En aftur - þetta er nú fyrsti leikur.
Fylkir á föstudag, láta sjá sig og bera liðið augum.
|
|
|
Guest |
