Content

Það er liðónýtt að vera í ferðalagi úti á landi þegar Fram er að spila í borginni. Fylgdist með leiknum í gegnum stöðuuppfærslur á netinu og bíð spenntur eftir betri umfjöllun hér á spjallinu.

Ljóst er að þessi sigur er gríðarlega mikilvægur. Allt annað en 3 stig hefði þýtt miðjumoð í sumar. Ég gef mér að Keflavík vinni Grindavík á morgun og þá verðum við í fimmta sæti með níu umferðir eftir. Níu stig í Eyjamenn og báðar innbyrðisviðureignirnar búnar eru væntanlega óbrúanlegt bil nema að e-ð mikið klikki hjá ÍBV. Við skulum því ekki eyða orku í að hugsa um þá.

Öðrum liðum eigum við alveg að geta skotið aftur fyrir okkur og mér finnst ekki óeðlilegt að fara fram á að Fram hafni ekki neðar en í þriðja sæti. Til þess verðum við að ná í mörg stig gegn Grindavík og Fylki í tveimur næstu deildarleikjum - helst öll sex stigin.

En fyrst er það formsatriðið gegn KR á fimmtudaginn...

Sérlega sannfærandi sigur í kvöld. Og það sem stóð upp úr var vinnusemin í liðinu öllu allan tímann. Þar fór kannski duracell-kanínan Halldór Hermann fremstur allra en Jón Gunnar var einnig mjög drjúgur og saman áttu þeir félagar miðjuna. Síðan var frábært að sjá vinnsluna á Hjálmari sem gaf Blikavörninni aldrei frið. Þegar Hjálmar leggur sig svona fram er hann einfaldlega stórkostlegur leikmaður. Mörk Hjálmars og Jóns voru síðan hvort öðru glæsilegra – en kannski fellur mark Almars undir aðra fegurðarskilgreiningu og mætti heita Sigur viljans eins og fræg bíómynd. En það þarf leikmann eins og Almar til að skora svona mark. Snilld - og nú verður bikarleikurinn rosalegur.

Já, ég tek undir þetta Grímur. Grindvíkingar virðast vera að koma til á með Keflvíkingar hafa verið að gefa eftir. Vona samt að Grindvíkingar fari ekki að gera neinar rósir gegn okkur í næsta deildarleik :-0

Alveg sammála flestu hér samt verð ég að taka eitt út og er það þessi svokallaða "besta" frammistaða Jóns Gunnars.
Hvað eru menn að fara með hana? Hann var slakur í kvöld og þurfti Halldór að hlaupa fyrir tvo, menn hreinlega gengu fram hjá honum trekk í trekk og hann vann varla skallabolta alla leikinn. Ekki fer drengurinn í tæklingar og
ég skil hreinlega ekki hvers vegna hann Toddi setti ekki Hlyn inn á snemma í seinni hálfleik við hefðum getað notað mann með smá sens fyrir sendingum þarna á miðjuna því ekki voru þessar kýlingar hans Jóns neitt til að hrópa húrra fyrir og ekki var neitt sérstakt að sjá drenginn missa boltann ítrekað rétt fyrir utan teig. En hvað um það þá er nóg komið af þessu rausi í mér, flottur sigur og vonandi er þetta það sem koma skal..

---

Football, bloody hell!

Sætur sigur! Mér fannst þó allur kraftur detta úr leikmönnum í seinni hálfleik eða þá að Blikar hafi loks ákveðið að mæta til leiks. Jafnvel á 83' min var maður smeykur um að þeir kæmust af alvöru inn í leikinn og mundu jafna.

Afhverju var breytt um taktík í seinni hálfleik og boltanum dúndrað fram í stað þess að spila? Það var enginn frammi til að taka við boltanum. Afhverju er ekki búið að stoppa það að láta Hannes sparka beint á markmann andstæðinga? Hvar var yfirvegunin í leikmönnum FRAM?

Mér fannst þetta vera komið í sama stresspakka og á móti KR en vonandi nær þessi sigur að slaka á taugum leikmanna.

Dómgæslan er og hefur verið arfaslök sérstaklega vs fylki, stjörnunni, og þessum leik. Ætla ekki nánar út í hana hér þar sem SuperMario hefur stofnað mjög góðan þráð.