Content

Eftir að hafa farið á leikinn í gær fór ég að hugsa um hvernig á því stæði að mér þætti nánast því alltaf að okkur vegið í þessari blessuðu dómgæslu? Ein ástæðan er jú sú að ég er FRAMARI en samt finnst mér fátt skemmtilegra en að fara á leik þar sem menn fá sama treatment frá dómara leiksins og leikmenn geta því unnið í því að spila fótbolta.
Hitt er að ég sem er handhafi þessa blessaða dómarakorts KSÍ er áhugamaður um störf þessara blessuðu manna sem eru svona að "gera sitt besta"...

Fyrir þá sem fóru á leikinn í gær þá þarfnast þetta nánast því engra útskýringa en fyrir ykkur sem ekki fóru þá var þetta svona lógískt framhald af þessu sem KSÍ hefur boðið okkur upp á í sumar jú og síðustu sumur.

Mér er bara gjörsamlega fyrirmunað að skilja hvernig þessi blessaði maður í rauða gallanum getur gengið af velli með kassan sperrtan og brosandi út að eyrum. Þessi sigur okkar í gær er mun sætari ef maður hugsar til þess að ALLIR 50 - 50 dómar duttu Blika megin og einnig þeir sem hefðu átt að vera 100% okkar meginn. Hversu oft hafa þessir dómar dottið okkur í hag í sumar? Hversu oft hefur "grófasti leikmaður" deildarinnar Jón Guðni Fjóluson fengið þessa meðferð sem Blikarnir fengu í gær? Jón Guðni fékk spjald í gær fyrir sína fyrstu tæklingu þar sem leikmaður Blika var á leiðinni að hliðalínunni og engin teljandi hætta var á ferðum. En Olli Bliki fékk að taka Daða niður með mjög grófri tæklingu jú og fékk gula spjaldið eftir að hafa brotið af sér tvisvar áður og viti menn fimm mín seinna er hann búinn að strauja Halldór á miðjunni og er sleppt! Óli hafði vit á að taka hann af velli en í seinni hálfleik var Jón Orri að sleppa í gegn og Blikarnir brugðu á það ráð að strauja hann jú og viti menn að maðurinn sem tók það að sér var einnig með gult á bakinu, allt látbragð leimannsins var á þann veg að hann vissi hvað væri á leiðinni en ekkert kom spjaldið! Ég vil benda mönnum á rauða spjaldið sem Jón Guðni fékk gegn Val þar var nú varla um gríðarlegt fólskubrot að ræða og Fram nýbúið að skora þar virtist þessari óskiljanlegu meðaumkunnarreglu ekki alveg vera framfylgt. Kannski af því að Jón Guðnir svona ROSALEGA góður og hinir eru bara svona hobbýistar?? Af hverju virðast þessi "VAFA" atriði þegar að við eigum í hlut oftast falla með hinum liðunum( sbr þetta fullkomlega löglega mark sem við skoruðum gegn ÍBV )? Ég hélt að við FRAMARAR borguðum það sama inn á þessa leiki í deildinni? Eigum við þá ekki heimtingu á sömu meðhöndlun frá þessari blessuðu dómara-elítu?

Ég hef beðið eftir að Toddi kæmi inn á þetta í þessum viðtölum eftir leikina en hann hefur væntanlega lært það að ekkert breytist nema þá helst á verri veg ef menn dirfast að gagnrýna þessa blessuðu kalla í rauðu,gulu og svörtu göllunum. En í gær gerðist það að Toddi sagði eitthvað og var það kannski gert vegna þess að við unnum og lítum því ekki út eins og súrir taparar. Meira að segja Maggi Gylfa og Tómas tóku upp hanskan fyrir okkur í gær!!!!

Það sem mér finnst verst er að hvergi í fjölmiðlum er minnst á hversu slakur dómarinn var í gær og hef ég fylgst vel með því hvernig dómararnir er meðhöndlaðir eftir þessa leiki. Það virðist vera að vöntunin í stéttina sé að valda því að hush hush sé sett á alla umfjöllunina um þeirra störf og er það miður, þjálfara eru reknir, leikmennn settir á bekkinn en áfram ráfa þessir kallar um völlinn eins og hauslausar hænur og dæma leik eftir leik án afleiðinga. Ég er að velta fyrir mér hvort að aðkoma Gylfa Orra að þessari dómarakommúnu KSÍ geri það að verkum að ekki sé hægt að ræða um dómgæslu í leikjum gegn FRAM? Ég hef enga trú á að þessi tuðpóstur minn eigi eftir að breyta einhverju nema því að ég er búinn að losa um þetta sem hefur verið að plaga mig í svolítinn tíma. En ef að þetta blessaða KARMA er til þá hljóta þessar blessuðu lukkudísir að fara detta okkar megin.

---

Football, bloody hell!

Super Mario

Ég gæti ekki verið meira sammála öllu sem þú skrifaðir. Þetta er hellað dæmi. Við höfum td. ekki ennþá fengið víti í allt sumar og í gær voru amk. 2 tilefni til slíks gjörnings.

Þegar ég sá fyrirsögnina að þessum pistli var ég eiginlega alveg sammála henni, en við lestur hans komst ég að raun um að hið gagnstæða vakti fyrir höfundi.

Þrátt fyrir að nokkrir hafi tekið hér undir með áliti höfundar ætla ég hér að leyfa mér að hafa aðra skoðun í þessu máli. Það er mín skoðun að dómgæsla Magnúsar Þórissonar í þessum leik hafi verið með betri dómgæslum í Framleik sem ég hef séð í sumar. Mér finnst nefnilega Magnús yfirleitt beita fremur skynsemi í mati á aðstæðum í dómgæslu sinni en að fara alveg eftir bókstaf laganna. Skynsemi er t.d. nokkuð sem Kristinn Jakobsson lét ekki þvælast fyrir sér í mati sínu á aðstæðum þegar hann rak Jón Guðna útaf gegn Val.

Auðvitað gat Magnús dómari rekið þennan nr. 11 útaf eftir seinna brotið á innan við mínútu. En hann mat það greinilega svo að brotið hefði ekki verið svo gróft að leikmaðurinn verðskuldaði ekki annað tækifæri. Hann lét leikmanninn líka greinilega vita að hann væri á síðasta sjens frá sér. Auðvitað sá reyndur þjálfari eins og Ólafur Kristjánsson hvert stefndi og skipti leikmanninum útaf. Hvað varðar brotið á Jóni Orra undir lok leiksins er ég sammála því að leikmaður Breiðabliks í því tilfelli hefði átt að fá seinna gula spjald sitt og þar með rautt. Þar urðu dómaranum á mistök.

Þrátt fyrir þetta fannst mér dómarinn koma vel frá leiknum í gær, hann leyfði leiknum að fljóta vel, beitti hagnaðarreglu vel og var ekki að stöðva leikinn í tíma og ótíma. Þá er ég á þeirri skoðun að einhverjir dómarar hefðu verið fljótir að dæma mark Almarrs af og metið það svo að markvörður Blika hefði haft hendur eða hendi á knettinum áður en Almarr setti hann í markið.

Það má ekki gleyma því að knattspyrnuleikur er skemmtilegastur þegar ellefu leikmenn spila á móti ellefu. Dómarar hafa í sumar því miður gert of mikið af því að taka ákvarðanir í æsingi og rifið rauða spjaldið upp úr rassvasanum án umhugsunar. Það var ekki gert í gær og því ber að fagna.

Mér fannst nú Magnús dæma bara þokkalega lengi vel. Það vita þó allir að það eru innlendir tískustraumar í dómgæslunni. Aldrei fékk Móði spjald; hann var nefnilega svo prúður. Stefna sumarsins varðandi Jón Guðna liggur nú fyrir. Vonandi breytist hún að ári ef hann á þá enn eitthvað undir íslenskum knattspyrnudómurum.
Spjaldanotkun KJ gagnvart Fram og dómgæsla yfirleitt (t.d. gegn Fylki) er dularfullt fyrirbrigði sem ég kann ekki að skýra, ja, og líklegast fæstir.

Þetta var slappara en allt sem maður hefur áður séð í sumar í kvöld. Kristján fékk rautt fyrir að fara í boltann hjá rangstæðum manni! Mér misbýður gjörsamlega þar sem KSÍ býður upp og held að við ættum að segja okkur úr þessu klíkusambandi og ganga í færeyska knattspyrnusambandið í staðinn.

Veit ekkert um hvort að Guðjón hafi verið rangstæður en ef ekkert er dæmt þá verður Kristján að hafa vit á því að fara ekki í einhverja tæklingu þarna því eins og menn vita fjúkum við alltaf útaf fyrir slíkt. 1-0 fyrir KR á 30 mín hefði ekki verið neitt agalegt miðað við hvernig þetta var að spilast.

En svo er annað í stöðunni 1-0 fyrir KR fer þessi blessaði hafsent í þvílíka sólatæklingu á Hjalla og ef menn ætla að fara eftir reglunum er það klárt rautt en auðvitað var þetta bara venjuleg tækling og menn fá bara gult fyrir slíkt..

Bjóst svo sem ekki við miklu fyrir þennan leik en enn og aftur eru það þessi blessuðu vafa-atriði sem virðast ávallt detta gegn okkur, ef Joe hefði ekki verið ranglega flaggaður í fyrri hálfleik og ef ef ef ef. En punkturinn er að við erum með grófasta lið deildarinnar og getum ekki unnið gegn KR í Frostaskjólinu!!

Take that to the bank..

---

Football, bloody hell!