Content

Gaman að þessum sigri og Stjarnan fer í sex stiga klúbbinn með Selfossi þetta árið.

Seinna mark Ívars var hans sjöunda í sumar og alls 20. í Efstu Deild, öll fyrir Fram.

Óskaplega er nú gaman að koma raddlaus heim af vellinum og með adrenalínið í hámarki.

Við vorum óskaplega seinir í gang í kvöld. Fyrir utan fínar 10 mínútur í byrjun, þá vorum við hugmyndasnauðir, treystum á kýlingar og einhvern veginn var eins og okkar menn væru alltaf aðeins og langt frá andstæðingunum. Ég taldi ekkert marktækifæri í fyrri hálfleik annað en markið hans Ívars.

Í seinni hálfleik var allt annað að sjá liðið. Stjarnan komst í 2:1 og dró sig þá alltof mikið aftur á völlinn. Á sama tíma færðum við Fjóluson á miðjuna og settum Jón Orra í hafsentinn og fórum allt í einu að geta sótt upp miðjuna.

Hannes átti góðan leik og hélt okkur inni í þessu í fyrri hálfleik með góðum úthlaupum. Átti líka svakalega vörslu í lokin.Dóri setti ný viðmið í að hlaupa og tækla út um allan völl. Varnarmennirnir okkar áttu líka flottar rispur upp völlinn - bæði Kristján í seinni hálfleiknum og Sam í sigurmarkinu. Jóhannes Valgeirsson hefur átt betri leiki í dómgæslu.

Það er bara meiriháttar gott að sækja þrjú stig í Garðabæinn og sex stig alls gegn Stjörnunni. Garbæðingar eru með fínt lið og verða líklega okkar helstu andstæðingar í slagnum um fimmta sætið.

Ég vil sjá sigra í þremur næstu leikjum (Keflavík, Valur og Haukar). Og við eigum alveg að geta náð því í þessu formi. Svo verður bara að koma í ljós hvort FH-leikurinn í lokaumferðinni mun skipta einhverju máli fyrir Hafnfirðinga. Aðalmálið er að við ætlum ekki að fá færri stig en þessi 34 sem við náðum í fyrra. Það þýðir að við þurfum lágmark 8 stig í síðustu fjórum leikjunum.

Fjári undarlegt mót. Og eina ferðina enn er ekki alveg öll von úti með þetta fjandans Evrópusæti. Ef "vinir okkar" í KR halda uppteknum hætti og taka FH í næsta leik þá eru Hafnfirðingar ekki í svo ómögulegri fjarlægð . .

Æ, það er rétt, Stefán. Tók sig upp einhver vanhugsuð bjartsýni. Kemur ekki fyrir aftur . .

Mér finnst alveg full ástæða til að halda í vonina um evrópusæti því td. KR ingar eiga mjög erfitt prógram eftir. Þeir eiga eftir að spila við FH , Breiðablik og Fylki heima og svo ÍBV og Grindavík úti. En burtséð frá því þá er frábært að sjá að liðið okkar sé komið í gang eftir erfiða tíma. Og svo gerðust líka undur og stórmerki því við sluppum alveg við spjöld í kvöld.

KR að tapa enn einu sinni gegn FH í Frostaskjólinu. Ef þeir misstíga sig svo frekar gegn toppliðunum ÍBV og Breiðablik erum við komnir í séns.

Annars má snúa þessum grýlum við mín vegna á næsta ári. KR vinnur FH loksins á heimavelli... en tapar gegn Fram.

Miðjumaðurinn Jón Guðni átti 2M skilið.

Varnarmaðurinn Jón Guðni náði sér ekki eins vel á strik og virkaði utan við sig á köflum í fyrri hálfleik.

Jón Orri er ekki nógu stór og sterkur fyrir miðvörðinn. Frekar að setja hann í hægri bakvörðinn fyrir Daða. Ég vil hafa Hlyn með Kristjáni í miðverði og setja Jón Guðna á miðjuna.