Content

Mér kemur á óvart sú áhersla sem sumir hér leggja á að fá afdankaða knattspyrnumenn við enda síns ferils til liðs við Fram. Er nokkur þörf á slíku? Liðsuppstilling okkar undir lok síðasta keppnistímabils var sú heilsteyptasta lengi vel, hópurinn nú að mestu leyti óbreyttur, bretarnir fjórir reyndust okkur ómetanlegir og ungir og efnilegir strákar fengu að sýna hvað í þeim býr og stóðust væntingar. Spennandi verður að sjá hvernig Þorvaldur þróar málin áfram á nýju keppnistímabili. Helst finnst mér vanta inn í hópinn markaskorara með Lennon, en þeir vaxa víst ekki á trjánum, þannig að tíu tólf marka maður á keppnistímabili er víst vandfundinn. En við höfum hann kannske nú þegar í hópnum, það kæmi mér ekki á óvart þó að Hjálmar "brilleraði" í sumar, þá er Arnar spurningamerki og Ívar nær sér vonandi af þeim erfiðu meiðslum sem hafa verið að hrjá hann undanfarin ár.

Og svo er það ávallt tilhlökkunarefni þegar Fram hefur nýtt keppnistímabil með leik í Reykjavíkurmótinu. Á morgun er siglt úr vör gegn ÍR kl. 21. Ég spái hagstæðum byr fyrir Fram í sumar!

Það er aldrei að vita hvað Stefán Birgir gerir, fái hann tækifæri í liðinu. Hann hefur sýnt það í 2. flokki að hann hefur nef fyrir markaskorun. Er samt full eigingjarn leikmaður að mínu mati, en engum er betur treystandi en Þorvaldi til að leiðbeina honum varðandi það, því strákurinn hefur líka sýnt það að hann getur verið hörkuspilari þegar sá gállinn er á honum. Og svo skorar Orri alltaf reglulega, hörkugott mark hjá honum í gærkvöldi, eins og öll hin voru reyndar líka. Það er eins gott að janúarmánuði ljúki, og félagaskiptaglugganum í Englandi loki þar með, áður en Manchester City heyrir af Steven Lennon!!